Sa Bawat Layf

Sa pagsikat ng Haring Araw
Langit ma'y bughaw o maulap
Haharapin pa rin ang bukas
Tatahakin ano mang landas.

Mapaglaro man ang kapalaran
Tuwa o kaya'y lungkot ang alay
Sa bawat pagkatalo ng buhay
Hahangarin pa rin ang tagumpay.

Na sa kahit ano mang pagsubok
Kahit may duwag man o may kutob
Kahit minsan ay balot sa takot
Tapang at lakas ay isusubok.

'Di man tiyak ang kinabukasan
Pag-asa'y yakap sa paglalakbay
Kasabay man ay luha ng lumbay
Ngiti pa rin ang mangingibabaw.

Sa bawat pintig ng pusong sugatan
Pag-ibig ay mananatiling wagas
Sa kahit anong tanong o dahilan